martes, 17 de noviembre de 2009

JOXERRA GRZIAREN SARIA:

Joxerra Garzia kazetari, idazle eta unibertsitate irakasleak jasoko du 2009ko Abbadia Saria.
Anton Abbadia saria Gipuzkoako Foru Aldundiak sortua da 1996an, euskararen normalkuntzaren aldeko lanetan nabarmendutako pertsona edo elkarteen jarduna saritzeko.
Hautagaien merezimenduak epaimahai batek aztertu eta baloratu ohi ditu. 2009ko epaimahaian kide hauek izan dira: Maria Jesus Aranburu (Kultura eta Euskara Departamentuko foru diputatua), Estibaliz Alkorta (Euskarako zuzendari nagusia), Joxean Urbieta (2007an saritutako Imanol Urbietaren izenean), Juanba Berasategi (2006an saritutakoa), Iñaki Arrutu, Iñigo Fernandez Ostolaza eta Aizpea Goenaga.
Aurtengo Saria jendaurreko ekintza batean emana izango da, 2009ko abenduaren lehen egunetan.
Epaimahaiak merezimendu hauek nabarmendu ditu, Abbadia saria Joxerra Garziari ematerakoan:
Komunikazioaren esparruan, erabide eta ikuspegi askotariko lanak egin ditu, publizitatearen alorrean, euskararen erabilera duin, zentzuzko eta adimentsua bultzatuz, eta erdaren morrontza traketsetik askatuz.
Gazteen artean, ahozko mintzabideak eta diskurtso mailak lantzeko ekarpen handiak egin ditu, bai liburuetan, bai artikuluetan, hizkuntzaren zuzentasun soila aski ez dela azpimarratuz, eta zuzentasunarekin batera jatortasuna eta egokitasuna ere ezinbestekoak direla nabarmenduz.
Euskararen kalitateaz hausnarketa sakona egin du, beste lankide batzuekin batera, esparru publikoetatik hizkuntzaren erabilera egokiak sustatzeko ipini behar diren oinarriak ulertzeko behar adinako argudioak emanik.
Hizkuntzaren irakaskuntzaren eta erabilera publikoaren esparruetan ardura duten hezitzaile eta prestatzaileen artean hedakuntza lan nabarmena egin du, hezkuntza sistema arautuak maila guztietan izan ditzakeen hutsuneak betetzeko prestatzaileen prestakuntzan aitzindari eta bide-urratzailearen jarduera eginik.
Gazteen hezkuntzan ahozko komunikazio gaitasunak lantzeko ikasmaterial egokiak sortzeko zereginak aintzat hartu izan ditu, aurrez oso gutxi landutako esparruetan ekarpen adierazgarriak eginez.
Gaur egungo bertsolaritzak erabiltzen dituen baliabide komunikatiboak sakonki aztertu ditu, komunikazio kinka edo arazo baten aurrean diskurtsoak sortzeko sistema den heinean; nabarmentzekoa da arlo horretan landu eta aurkeztu zuela bere doktore-tesia (Gaur egungo bertsolarien baliabide poetiko-erretorikoak). Mintzola Fundazioa sortzeko laguntza eskerga eman du, euskararen ahozko ekosistemaren ezaugarriak, adierazpideak eta edukiak antolaera logiko batean

No hay comentarios:

Publicar un comentario